നെഹ്റു യുവകേന്ദ്രയും മുദ്ര എജുക്കേഷണൽ ആൻഡ് ചാരിറ്റബിൾ ഫൗണ്ടേഷനും ക്രിയാ പദ്ധതിയും സംയുക്തമായി ജില്ലാതല യൂത്ത് പാർലമെന്റ് സംഘടിപ്പിച്ചു. ജില്ലയിലെ വിവിധഭാഗങ്ങളിൽ നിന്നെത്തിയ യുവതീ യുവാക്കളാണ് ഈ പ്രത്യേക പരിപാടിയിൽ പങ്കെടുത്തത്. വർത്തമാനകാലത്ത് നാട് നേരിടുന്ന വെല്ലുവിളികൾ അതി ജയിക്കുന്നതിനായുള്ള ചർച്ചകൾക്കും സംസാരങ്ങൾക്കും ഈ സംഗമം വേദിയായി. സമൂഹനന്മക്കു വേണ്ടിയും രാഷ്ട്ര നിർമ്മാണ പ്രക്രിയയിലും യുവ സമൂഹത്തിന് ഏറെ കർത്തവ്യങ്ങൾ നിർവഹിക്കാനുണ്ടെന്ന് ബോധ്യപ്പെടുത്തിയ ഒരു യൂത്ത് പാർലമെന്റിനാണ് ഇന്ന് പെരിന്തൽമണ്ണ സാക്ഷ്യം വഹിച്ചത്. വിവിധ മേഖലകളിൽ ശ്രദ്ധേയരായ മുരളി തുമ്മാരുകുടി, അപർണ സെൻ, അഡ്വക്കേറ്റ് ഹരീഷ് വാസുദേവൻ, മണികണ്ഠൻ, ബ്ലോക്ക് പഞ്ചായത്ത് പ്രസിഡണ്ട് അഡ്വക്കേറ്റ് എ.കെ മുസ്തഫ, എൻ. വൈ. കെ സംസ്ഥാന കോഡിനേറ്റർ കുഞ്ഞമ്മദ് തുടങ്ങിയവർ വിവിധ സെഷനുകളിൽ പ്രതിനിധികളുമായി സംവദിച്ചു. നല്ല നാളേക്ക് വേണ്ടിയുള്ള കർമ്മ പദ്ധതികളുമായാണ് പ്രതിനിധികൾ മടങ്ങിയത്.. ഫോട്ടോ ഡൗൺലോഡ് ചെയ്യാനുള്ള ലിങ്ക് ഹോം പേജിൽ ഫ്ലാഷ് ന്യൂസിൽ ലഭ്യമാണ്